Кога ќе наполнат 15 години и ќе добијат пристап на социјалните мрежи, за децата во Грција до полнолетство ќе важат одредени ограничувања на интернет.
Од октомври во Грција на сила стапува забрана за пристап на социјалните мрежи за сите помлади од 15 години. Новата регулатива оди и чекор понатаму, па на сите малолетници до полнолетство ќе им биде забрането влегување на страниците за продажба на тутун, обложување и дистрибуција на содржини за возрасни. Грција исто така ќе стане првата европска земја која воведува вакви рестрикции.
Европската унија исто така го подготвува својот план. Претставничката на Европската комисија Урсула фон дер Лајен истакнала дека „Франција, Шпанија, Грција, Данска и Италија го тестираат планот на ЕУ за верификација на староста низ националните апликации“. Грција е дел од тој проект, што го потврдуваат и домашните извори.
Комисијата веќе разговара со технолошките гиганти, вклучувајќи ги и Гугл и Мета околу развојот на алатки за потврда на староста на корисниците. Наредната седмица делегација на ЕУ пристигнува во Атина за да го провери напредокот и да даде техничка поддршка за воведување на универзални забрани.
Во Грција контролата на староста ќе функционира низ апликацијата „Kids Wallet“ развиена од страна на Министерството за дигитална управа. Податоците на малолетниците ќе бидат внесени во апликацијата која ќе служи за блокада за забранети сервиси.
Доколку детето има помалку од 15 години, социјалните мрежи и страниците за возрасни ќе бидат автоматски заклучени.
Најголем предизвик ќе биде ангажирањето на родителите, со оглед на високиот процент на технолошка необразованост на граѓаните. Покрај тоа, останува прашањето како системот ќе функционира на компјутерите поради тоа што речиси секој тинејџер од пандемијата има пристап до лаптоп.
Дилемите за практичната примена постојат, но целта е јасна – заштита на младите од штетни содржини.
Европската унија верува дека тоа е единствениот начин да се застане на патот на влијанието на социјалните мрежи на менталното здравје на децата.
