Англискиот премиерлигаш Арсенал успешно заврши уште една задача со која на подолго време ги обезбеди услугите на дефанзивецот Вилијам Салиба.
Французинот од 2019 е член на „топчиите“, но првите неколку сезони беше испраќан на позајмици во Сент Етјен, Ница и Олимпик Марсеј за да од сезоната 2022/2023 започне да игра за Арсенал и потоа стане незаменлив дел од дефанзивата на клубот.
Одигра 140 натпревари во сите конкуренции, даде седум погодоци, партии кои му овозможија договор со кој ќе остане во северен Лондон до 2030 година.
William Saliba is now Arsenal's third highest earner after signing a stunning new deal 🤑
Max Dowman earning £350-a-week is a crime though! 🤯
Posted by The Sun Football on Tuesday, September 30, 2025
-Се чувствувам горд на себе бидејќи првпат потпишав во 2019 година, а сега во 2025 година, сè уште сум тука за да го продолжам мојот договор. Многу сум среќен. Се чувствувам како дома. Имаме добар тим, имаме добар состав, имаме добар стручен штаб. Тренерот е совршен за мене, па затоа е најдоброто место каде што треба да бидам.
-Уживам во секој ден кога имам шанса да го носам овој дрес. Се обидувам да дадам сè, а сега ќе дадам уште повеќе на овој клуб и на навивачите, -порача Салиба кој сега е трет најплатен играч во екипата.
