Некогаш кога изгледа дека надежта е изгубена, сепак постојат хумани луѓе кои може да ја вратат светлината и во најтемните денови.
Во Скопје денеска се одиграла сцена којашто ја потврдува хуманоста и солидарноста на граѓаните, но и љубовта кон најневините – животните.
Граѓаните за „Слободен печат“, велат дека едно мало маче коешто било старо околу еден месец, неколку дена било заробено во олук на куќа, препуштено само на себе и постојано напаѓано од гаврани.
По молба на вработени од редакцијата на „Слободен печат“, луѓе од ЈП „Улици и патишта“ одлучиле да го спасат малото маче.
Луѓето кои учествувале во ова хумано дело се: Дејан Ивковски – Зико, Боби Мицевски, Зоран Поповиќ, Дејан Димчески и Градимир Илиевски. Новинарката Александра Вуксановиќ – Бела одлучила да го вдоми малото животинче.
Без сомнеж за херои на денот ги прогласуваме горенаведените луѓе.
Извор: „Слободен печат“
