Дел од патот се урна утрово пред болницата Ваџира во главниот град на Тајланд, Бангкок. Дупката беше долга 30 метри, широка 30 метри и длабока 50 метри. За среќа, никој не е повреден, објави „Бангкок тајмс“.
Сообраќајот во областа беше затворен од безбедносни причини. Службите за брза помош во државната болница беа прекинати, а околу 3.500 пациенти беа евакуирани од блиските згради.
Soil rushing into an underground subway tunnel, possibly triggered by a burst water pipe, is being investigated as the cause of a massive road collapse on Samsen Road in Bangkok's Dusit district, which forced the evacuation of Vajira Hospital for safety.
— Thai Enquirer (@ThaiEnquirer) September 24, 2025
The collapse created a… pic.twitter.com/dM1W3uPjIb
Првичните извештаи покажаа дека болничките згради не се оштетени.
На жителите на околните станови им беше наредено да се евакуираат. Два електрични столба и едно полициско возило паднаа во дупката по уривањето.
Властите не соопштија што го предизвикало уривањето. Гувернерот на Бангкок, Чадчарт Ситипунт, и тим службеници го прегледаа местото на настанот.
Ситипунт подоцна изјави дека уривањето се случило над подземна железничка станица, поточно на раскрсницата помеѓу тунелот и станицата. „Земјата завршила во тунелот, предизвикувајќи уривање на околните структури и пукање на голема водоводна цевка“, рече гувернерот.
