Според зборовите на експертите, бобинките има бројни предности: богати се со растителни влакна и антиоксиданси, а сиромашни со шеќери и калории. Токму затоа помагаат да се чувствувате сити и полни со енергија подолго време.

„Бобинките имаат малку калории, но многу влакна, па ви помагаат да останете сити до следниот оброк“, вели нутриционистката Морган Вокер. Таа додава дека е идеално да се комбинираат со протеини и здрави масти, на пример во грчки јогурт со јаткасти плодови.

Бобинките – како боровници, малини, капини и јагоди – содржат антоцијани, растителни соединенија кои им ја даваат темноцрвената, сината и виолетовата боја. „Антоцијаните ги штитат клетките, ги намалуваат воспаленијата и можат да помогнат во зачувување на здравјето на мозокот и срцето“, објаснува диететичарката Ејми Браунстајн.

Една шолја мешани бобинки содржи околу 6 грама влакна, додека бананата има само 2 грама.

За разлика од многу други овошја, бобинките имаат низок процент на природни шеќери. На пример, една шолја манго содржи околу 23 грама шеќер, банана околу 18 грама, а малините само 5 грама. Поради тоа се особено добар избор за луѓе кои внимаваат на нивото на шеќер во крвта.

Докажано позитивно влијание врз здравјето

Научните студии покажале дека бобинките може да помогне во намалување на воспаленијата, оксидативниот стрес и проблемите со срцето, варењето и имунитетот. Некои истражувања наведуваат и дека може да ги ублажат болките во мускулите по физичка активност, како и краткорочно да ја подобрат меморијата и концентрацијата.

Секое овошје носи здравствени придобивки, но бобинките имаат особено место во исхраната. Богати со влакна, сиромашни со шеќери и полни со корисни материи што го штитат организмот – тоа е изборот што нутриционистите едногласно го препорачуваат. Ако барате најдобар начин да го започнете денот, одговорот е едноставен: рака бобинки е одличен избор.