Како што соопшти лотаријата „The Lott“, брачниот пар бил еден од четворицата среќни добитници на извлекувањето на „Powerball“, со фонд поголем од 50 милиони долари (околу 46,5 милиони евра).

Лотаријата немала податоци за нив

Сепак, парот воопшто не знаел дека освоил награда! Тикетот не бил регистриран, па организаторите не можеле да ги контактираат. Поминале неколку дена пред да сфатат дека судбината можеби им се насмевнала.

„Ова е неверојатно! Во шок сум. Немавме поим, а тикетот цело време беше пред нашите очи“, рекла сопругата откако ги проверила броевите.

Како што признала – таа и нејзиниот сопруг биле презафатени со секојдневни обврски и едноставно немале време да ги споредат бројките. Добитната комбинација била избрана целосно по случаен избор преку опцијата „QuickPick“, но во неа се нашле и датуми важни за семејството.

Каде бил тикетот?

Дури подоцна откриле дека нивниот тикет – вреден вистинско богатство – цело време стоел залепен на вратата од фрижидерот, пренесува „Unilad“.

Парот, кој целиот живот напорно работел, сега планира дел од парите да ги вложи во иднината на своите деца и внуци, а за себе ќе си дозволат „помала куќа“.

Добитниот тикет бил купен во продавница во Источен Брајтон, а добитните броеви биле: 9, 22, 23, 3, 13, 28 и 32, додека „Powerball“ бројот бил 5.

Сопственикот на киоскот, Саџад Садеги Гурбанди, изјавил: „Не можам да поверувам! Ова е првата главна награда што сме ја продале откако ја презедов сопственоста пред две години. Пресреќен сум“.