Шведското кралско семејство било присутно на официјалното отворање на Парламентот во Стокхолм, а иако главна ѕвезда на настанот бил кралот Карл Густаф, медиумите посебно внимание насочиле кон неговата наследничка.

Принцезата Викторија, позната по елегантните изданија кои ги бира непогрешливо во состав со пригодата, и овојпат изгледала отмено, а избрала стајлинг во стилот на легендарната принцеза Дајана.

Престолонаследничката на шведскиот трон пристигнала во Парламентот во црн миди фустан украсен со ситни бели точки, шик модел со ракави со ¾ должина.

Станува збор за фустан од брендот „Grta“ со појас којшто се врзува во вид на панделка и го нагласува струкот, а принцезата од Шведска овој фустан го искомбинирала со црни салонки и чанта.

Вечниот шарм на фустаните со точки

Фустаните со точки се едни од најпрепознатливите и најомилени модни дезени затоа што се класични, а делуваат навистина разиграно.

Нивната врска со принцезата Дајана која често ги носела во свечени пригоди, дополнително го зајакнала нивниот статус како симбол на елеганција и женственост.

Во текот на 80-тите и 90-тите, Дајана често бирала вакви фустани за официјални настани и приватни пригоди. Така тие станале синоним за дискретна, но впечатлива мода.