Претседателот Емануел Макрон именува нов премиер. Тоа е лојалниот поранешен министер за вооружени сили Себастијан Лекорну.
Кабинетот на Макрон го разгледува Лекорну како опција, по падот на владата на премиерот Франсоа Бајру поради плановите за намалување на буџетот за следната година за 43,8 милијарди евра, изјавија двајца функционери директно запознаени со ситуацијата.
Себастијан Лекорну, 39-годишен политичар, е единствениот министер кој „преживеал“ во владата откако претседателот Емануел Макрон беше првпат избран во 2017 година, поминувајќи низ бројни реконструкции и предвремени избори.
„Тој се прилагоди доста добро на светот на Макрон. Има тенденција за преживување“, рече еден парламентарен функционер.
Во текот на изминатите седум години, Лекорну изгради имиџ на лојален сојузник на Макрон, развивајќи политички стил што го одразува претседателот, особено кога станува збор за ангажман на граѓаните. Покрај своите министерски должности, Лекорну е и советник во неговиот роден округ во Нормандија, каде што ги поминува повеќето викенди.
Министерот одржува низок јавен профил, ретко откривајќи детали од својот приватен живот и одржувајќи сериозен јавен настап.
