„YouTube“ и натаму е најпопуларната платформа за видео-содржини, но во последно време додава опции кои често ги нервираат корисниците. Од постојаното вметнување на „YouTube Shorts“ видеа, до автоматското намалување на квалитетот на репродукцијата, сè почесто гледањето не е истото задоволство како порано.

Среќа, многу од овие проблеми може да се решат. Во апликацијата постојат адаптации кои овозможуваат поголема приватност, подобра слика и контрола врз репродукцијата. Доволно е да одвоите неколку минути и рачно да ги промените опциите.

Поголема приватност и контрола

Една од првите работи што можете да ги направите е да го запрете следењето на историјата на гледање и пребарување. Во секцијата "Settings > Manage all history" лесно може да се исклучи зачувувањето на историјата, а можно е и целосно бришење на постоечките податоци. Преку "My Ad Center" пак, можете да ги оневозможите персонализираните реклами, што носи поголема приватност при користење на платформата.

Подобар квалитет и помалку прекини

„YouTube“ често по дифолт пушта видеа во пониска резолуција. Ова може да се реши во опцијата "Settings > Video quality preferences", каде што на Wi-Fi мрежа можете да изберете "Higher picture quality" и секогаш да гледате содржини со подобра резолуција.

Дополнително, можете да ја исклучите автоматската репродукција и да го намалите бројот на одвлекувања на екранот. Во менито "Settings > Playback" ќе ги најдете опциите како "Auto-play next video", "Show in-video info cards" и "Playback in feeds". Кога ќе ги исклучите, платформата повеќе нема автоматски да пушта следни клипови.

Со овие промени, „YouTube“ останува корисна и забавна алатка, без непотребните пречки што голем број корисници ги натераа да бараат алтернативни решенија.