Најголемото трансфер промашување на Реал имаше деби од соништата со Хулк

Некогашниот голем фудбалски талент направи трансфер како слободен агент во Атлетико Минеиро во обид да си ја спасува кариерата, а рано утрово имаше деби од соништата за новиот клуб.

Атлетико го победи Годој Круз со 2:1 во Копа Судамерикана, а новото засилување веднаш воспостави конекција со најголемата ѕвезда во тимот.

Реинер доби само осум минути на овој натпревар, но тоа беше доволно за да има деби од соништата за Атлетико, бидејќи реагираше навистина импресивно во 89-та минута.

Бразилецот извонредно се снајде и му спушти со гради една топка на Хулк, а моќниот напаѓач реализираше во свој стил и донесе победа за Атлетико.