Легендарниот UFC борец и косопственик на организацијата "BKFC", Конор Мекгрегор, се најде во средиштето на несекојдневна сцена во Будва за време на првото издание на "Bare Knuckle Fighting Championship" (BKFC) во Црна Гора.
Во саботата, публиката имаше можност да проследи дури 11 борби со голи тупаници, а славниот Ирец седеше во првите редови на овој спектакл. Сепак, вечерта доби неочекуван пресврт – поради силно невреме и обилни дождови, настанот доцнеше, а атмосферата во еден момент стана драматична.
Мекгрегор на својот "Instagram" ги сподели впечатоците и призна дека бил шокиран од случувањата:
„Будва донесе громови, бејби. Тоа беше најлудата работа што сум ја доживеал. О, Боже. Седев таму, а местото почна да се тресе, и не сакав да ризикувам … Знаев дека ова не е безбедно“, раскажа Конор.
Тој откри и што се случило во рингот по еден спектакуларен нокаут:
„Бев во ринг со локален борец од Црна Гора, по голем нокаут-финиш. Се подготвувавме да славиме, а потоа бурата едноставно еруптира од никаде. Мајка природа“, – додаде Мекгрегор, кој бил принуден да избега поради невремето.
Поради тоа, навивачите останаа пократки за главната борба меѓу Васо Бакоќевиќ и Вилхелм От, како и дуелот меѓу Бојан Косендар и Петар Ражов.
И покрај сериозните проблеми што ги предизвика невремето, дебито на "BKFC" во Црна Гора сепак се одржа и остана запаметено како едно од најдраматичните боречки случувања во регионот.
Мекгрегор, познат по своите ексцентрични изјави и сценски настапи, не ја криеше импресијата од атмосферата во Будва – не само поради борбите, туку и поради силата на природата, која во еден миг целосно го засени спортот.
