Партизан одигра храбро во Единбург и го поправи впечатокот од првиот меч во Белград, но фудбалот имаше смислено најлошо сценарио за „црно-белите“ од Хумска.
Српскиот вицешампион ја анулираше негативата од 2:0 од првиот меч и веќе во првото полувреме водеше со 0:2 во Единбург, па иако беше на добар пат да направи пресврт, работите почнаа да се менуваат по точно еден час игра.
Напаѓачот Боуи постигна страшен гол во ситуација кога топката доби чудесен лет и успеа да намали на 1:2, а работите брзо станаа уште потешки за Партизан поради црвениот картон кој го заработи Симиќ.
И во такви услови, гостите од Белград одиграа херојски и постигнаа трет гол за продолженија преку Костиќ во 96-та минута, но целиот труд пропадна во вода откако играчите останаа без доволно енергија.
Хибернијан ја искористи предноста од играч повеќе и постигна гол за 2:3 во 100-та минута, погодок кој се покажа како доволен за пласман во завршното коло во Конференциската лига.
