Тотенхем тргнува во офанзива по ѕвезда на Кристал Палас

Дерби

12/08/2025

13:54

299

Големина на фонт

а а а

Раководството на Тотенхем знае дека мора да инвестира повеќе во ростерот за да се избегне последната катастрофална сезона во Премиер лигата, но и да се добие квалитет во пресрет на учеството во Лигата на шампионите.

Лондонскиот клуб е заинтересиран за неколку големи фудбалски ѕвезди, а последен кој влезе во фокусот на менаџерот Томас Франк е Еберечи Езе од Кристал Палас.

Повредата на Џејмс Медисон и најавената долга пауза отвори дополнителна дупка во ростерот на Франк, а Езе се смета за сериозно засилување во офанзивниот дел од тимот.

27-годишниот англиски репрезентативец е клучен играч за Палас, па останува да се види дали освојувачот на купот и супер купот ќе се согласи да го испрати својот фудбалер во редовите на лондонскиот ривал и по која цена.

Тотенхем се интересираше и за Савињо од Манчестер Сити, но медиумите тврдат дека сега Езе е главен приоритет на клубот.