Лоријана Галуниќ и Бобо Жуговиќ од Малинска на Крк долго ќе ја паметат пловидбата од пред неколку дена. Тргнале од Крк кон Црес, а потоа во морето забележале млад делфин кој се заплеткал во рибарско јаже во близина на ртот Пелова.
Кога го здогледале, делфинот бил целосно исцрпен од обидите да се ослободи, па веднаш се фатиле за работа и го спасиле од сигурна смрт, пренесува порталот „Bodulija.net“.
Спасувањето траело повеќе од половина час
„Тоа беше од ртот Пелова, една милја кон Црес. Се движевме кон Бело на Црес. Оддалеку здогледавме рибарски сигнал. Кога се приближивме, видовме дека некоја голема риба е веднаш покрај сигналот. Се вративме да провериме за што станува збор и здогледавме млад делфин како се мачи бидејќи опашката му беше замотана во јажето од сигналот“, раскажал Жуговиќ за „Bodulija“.
Divna priča sa otoka Krka: jedan mladi dupin spašen je od sigurne smrti zahvaljujići dobrim ljudima. Što se dogodilo, pročitajte ovdje:
https://bodulija.net/mladi-dupin-se-zapetljao-u-konope-u-posljednji-tren-ga-je-spasilo-dvoje-dobrih-ljudi/
Posted by Bodulija.net on Friday 8 August 2025
Не размислувале долго, туку веднаш се фатиле за работа и го ослободиле делфинот од јажето: „Веднаш пристапивме кон спасување на младиот делфин кој беше многу изморен, а видовме и крв на опашката. Одмотувањето на јажето траеше повеќе од половина час.“
Им се заблагодарил и отпливал во длабочините
Жуговиќ раскажал дека делфинот ги исплашил бидејќи не се помрднал кога го ослободиле, па помислиле дека умрел од исцрпеност: „Кога успеавме да го ослободиме, полека заплива метар и пол и застана. Сите помисливме дека умрел од исцрпеност.“
Но, за среќа, приказната имала среќен крај. „Меѓутоа, по две минути, откако собра сили, се сврте кон нас, нè погледна како да ни се заблагодарува и потоа нурна во својата слобода, во длабочините на морето“, додал Жуговиќ.
