Ван-мачките уживаат во климатизирани простории и базени, додека нивната исхрана и целокупната грижа за нив се спроведуваат со посебно внимание во Центарот за истражување и заштита на Ван-мачките при универзитетот „Yuzuncu Yil“ во градот Ван, источна Турција.
Овие мачки, познати по нивното снежно-бело крзно и хетерохромни очи (едното сино, другото килибарно), се сметаат за симбол на регионот и продолжуваат да предизвикуваат воодушевување ширум целата земја.
Вработените во центарот наведуваат дека, покрај современите услови за живот, посебно внимание се посветува на здравствената заштита, хигиената и програмите за размножување со цел да се зачува чистотата на оваа автентична турска раса.
Низ целиот свет, Ван-мачките се познати по нивната различна боја на очите, уникатниот карактер, свиленкасто меко бело крзно и „лавовски“ од. Ван-мачката е симбол на истоимениот град, кој се наоѓа на брегот на големо езеро со исто име.
Тие можат да се категоризираат врз основа на бојата на очите и крзното. Кај еден дел од нив, едното око може да биде со различна боја од другото (едното е сино, а другото килибарно), додека другите имаат сини очи, односно килибарни.
Некои мачки имаат целосно бело крзно, додека други имаат траги од кафеава боја на ушите, главата или други делови од телото.
Денес
