Едногодишно момче предизвика вистинска сензација во Индија откако касна отровна кобра и ја уби на 24 јули, објави „Би-би-си“. Момчето, по име Говинд Кумар, се сретнало со кобрата додека си играло во дворот на своето семејство во селото Мохчи Банкатва, во индиската држава Бихар, во близина на границата со Непал.
„Неговата мајка работела во градината во тоа време“, рече бабата на Говинд, Матисари Деви.
„Ја фати змијата и ја касна со забите. Дури подоцна сфативме дека е кобра“, додала таа.
После тоа, Говинд ја изгубил свеста. Неговото семејство веднаш го однело во локална болница.
#Patna | In a hair-raising incident, a two-year-old boy in Bettiah, West #Champaran, bit a #cobra to death with his bare teeth after the serpent coiled itself tightly around his tiny hands.
— The Times Of India (@timesofindia) July 26, 2025
Details here 🔗https://t.co/dWq4KQrMFE#Bihar pic.twitter.com/lk0PkxFFqp
„Кога детето било примено, лицето му било отечено, особено околу устата“, изјавил д-р Кумар Саураб, кој го лекувал Говинд во Владиниот медицински колеџ во главниот град на државата Бихар, Бетија.
Истиот ден, д-р Саураб лекувал друго дете кое, за разлика од Говинд, било каснато од кобра. И двете деца сега се во стабилна состојба.
Д-р Кумар објаснил дека двата случаи се опасни за луѓето, но дека каснувањето од кобра е многу поопасно.
„Кога кобра каснува човек, нејзиниот отров директно влегува во крвотокот. Ова предизвикува невротоксичност, која влијае на нервниот систем и може да доведе до смрт“, изјавил тој за „BBC“.
Toddler bites cobra to death after venomous 3ft-long snake coiled itself around his hands in India
— MassiVeMaC (@SchengenStory) July 28, 2025
Infant Govinda Kumar bravely fought back against the venomous snake when it coiled itself around his arm while he was playing outside his home in Bankatwa village, pic.twitter.com/rJ7SurW9fi
Но, кога човек каснува кобра, отровот влегува во дигестивниот систем. Човечкото тело потоа го неутрализира и таа поминува низ телото, додaл тој.
Тој забележал дека ефектите би можеле да бидат поопасни ако има рана или чир во дигестивниот систем на момчето, што би му овозможило на отровот да влезе во крвотокот.
Во Индија има речиси 300 видови змии, од кои повеќе од 60 се отровни. Кобрата се смета за најопасна.
Индија е позната и како „центар на каснувања од змии во светот“, а бројот на смртни случаи се зголемува за време на сезоната на монсуни.
कोबरा को दांत से काटा, वहीं ढेर हो गया...
— AajTak (@aajtak) July 26, 2025
खेलते-खेलते गोविंदा के हाथ में एक विषैला कोबरा सांप आ गया। आम तौर पर बच्चे डर जाते या रोने लगते, लेकिन गोविंदा ने उस सांप को दांत से काट दिया। इतना ही नहीं, काटने के तुरंत बाद सांप की मौके पर ही मौत हो गई। बच्चा हुआ बेहोश, जीएमसीएच में… pic.twitter.com/VL9erkA9KP
Според Светската здравствена организација (СЗО), помеѓу 81.000 и 138.000 луѓе ширум светот умираат од каснувања од змии секоја година.
Во Индија, помеѓу 2000 и 2019 година, во просек 58.000 луѓе годишно умирале од каснувања од змии, според податоците на СЗО.
Сепак, Министерството за здравство и семејна благосостојба на Индија вели дека многу смртни случаи не се пријавуваат бидејќи луѓето во оддалечените области немаат пристап до здравствени установи.
