Светското клупско првенство финишираше со неочекуван расплет во финалето во Њу Џерси, бидејќи Челси режираше големо изненадување со убедлива победа од 3:0 против ПСЖ.
Победникот во Конференциската лига испадна како подобар ривал од актуелниот и нов европски шампион ПСЖ, кој во големото финале на „МетЛајф“ стадионот едноставно не најде решение за избраниците на Енцо Мареска.
Италијанскиот стручњак извонредно ги постави своите фудбалери и маестрално ги намириса слабите точки во тимот на ПСЖ, па фрустрацијата кај фаворитот беше толку голема, што на крајот видовме и неблагодарни сцени.
Луис Енрике го удри Жоао Педро по крајот на натпреварот и сега му се заканува казна од ФИФА, додека неколку минути претходно, видовме и бизарно исклучување за крај на турнирот во САД.
Жоао Невеш ги загуби нервите при еден дуел со Марк Кукурелја, а иако судијата не виде, по проверка на ВАР му беше покажан црвен картон поради фактот што го повлече ривалот за долгата коса.
JOÃO NEVES SENT OFF! 🟥
— DAZN Football (@DAZNFootball) July 13, 2025
PSG down to 10 in the final minutes of the match.
Catch the @FIFACWC Final | July 13 | Free | https://t.co/i0K4eUtwwb | #FIFACWC #TakeItToTheWorld #CHEPSG pic.twitter.com/XkC2LFgQrw