Сепак, нутриционистите предупредуваат дека оваа летна храна, во зависност од начинот на консумирање, може да стане сериозен проблем за луѓето кои страдаат од хронични заболувања, особено хипертензија (висок крвен притисок), заболувања на бубрезите и срцеви проблеми.

Меѓутоа проблемот не се крие во свежата краставица како таква, туку во нејзината вообичаена форма – кисели краставички. Тие содржат голема количина на кујнска сол (натриум), што кај чувствителните луѓе може да предизвика задржување на течности во телото, отоци, влошување на функцијата на бубрезите и ненадејни скокови на притисок.

„Лицата со хипертензија и срцеви проблеми мора да го ограничат внесот на натриум на дневна основа. Киселите краставички можат да содржат до 800 мг натриум во само неколку парчиња, што го надминува препорачаниот дневен внес за луѓе со висок крвен притисок“, објасни нутриционистката од Мајами.

Дополнително, таа додаде дека киселите краставички често содржат конзерванси, како и оцет, што кај некои луѓе може да предизвика иритација на желудникот и влошување на симптомите на гастритис или рефлукс.

Што препорачуваат експертите?

Консумирајте свежи краставици, по можност без додадена сол.

Ако веќе не можете без кисели краставички, измијте ги пред консумирање за да ја намалите количината на сол.

Луѓето кои имаат проблеми со бубрезите, притисокот или задржување на вода треба да избегнуваат сите видови туршија, особено во текот на топлите денови.

Секогаш читајте ја етикетата на индустриски спакуваните кисели краставички – количината на натриум често може да биде алармантна.

За повеќето здрави луѓе, свежата краставица е одлична летна намирница – содржи дури 95% вода, богата е со растителни влакна, има малку калории и е освежувачка. Но, за оние со чувствителни здравствени состојби, особено кога е жешко и телото се бори со дехидратација, секој вишок сол може да биде опасен.

Затоа, следниот пат кога ќе посегнете по кисели краставички – запомнете: не секој „лесен“ зеленчук е безопасен, особено кога доаѓа од тегла.