Џек Вебер има 101 година, ја надживеал својата сопруга, ги испратил најдобрите пријатели и преживеал Светска војна, Големата депресија и пандемијата на коронавирусот. Сепак, секое утро тој се буди со цел и благодарност.
„Мојот став е: Не дозволувај му на старецот да влезе. Доколку мислиш младо, поверојатно е дека ќе делуваш младо“, мисли овој симпатичен старец.
Џек Вебер живее по тој принцип во животот и односите и верува дека тоа е клучот на неговата долговечност.
Не дозволува тоа да го запре
Вебер ја запознал жена си Бети на факултет. И натаму го памети моментот кога го прашала да ѝ биде партнер во лабораторијата на часот по анатомија.
„Мојата мајка не одгледа глупаво момче. Затоа ја искористив можноста. Од лабораториски партнер стана моја прва љубов на факултет“, изјавил овој човек.
A 101-year-old says the key to his longevity is refusing to act his age https://t.co/RJ0iIURikj
— Insider (@thisisinsider) June 4, 2025
Биле во брак 57 години, изгледале пет деца и имаат 11 внучиња. Кога Бети почнала во 2004 година после десетгодишна борба со карцином на дојка, Џек не мислел дека ќе живее уште долго.
„Не е лесно. Треба да е тука, да седи покрај мене“, изјавил тој за својата сопруга. Но, наместо да се повлече во тага, одлучил да продолжи да живее, како физички така и емоционално.
„Децата ми рекоа: Тато, мора да се вратиш во живот. Имаш уште многу години пред тебе, многу работи кои сакаш да ги направиш и доволно тагуваше. Ги послушав, продолжив со животот“, изјавил Џек.
Џек Вебер живее кај една од своите ќерки и се труди да не ѝ биде товар.
„Не се жалам. Доколку нешто ме мачи, не сакам да ги оптоварувам другите со своите проблеми. Да, имам некои болки, но за тоа не зборувам и не дозволувам да ме контролираат“, вели овој дедо.
„Не се трудам да правам нешто за што мислам дека не можам да го правам. Тоа е важно затоа што физички можете да се повредите доколку претерате“, изјавил тој.
