Рамос постигна гол во препознатлив стил, Интер одговори со тренинг акција од слободен удар

Мечот меѓу Улсен и Мамелоди донесе најмал број навивачи на трибините и на онака скромните посети во САД, па единствено вредно се издвојување е тоа што тимот од Јужна Африка славеше со 0:1 (Мамелоди).

После тоа, во 3 часот наутро се одигра средбата во Калифорнија меѓу Монтереј и Интер, па иако капацитетот на стадионот беше половично исполнет, фановите гледаа далеку поквалитетен фудбал.

Монтереј се покажа како тврд орев и поведе со голот на легендарниот Серхио Рамос, а и покрај тоа што Интер одговори, сепак немаше сили за пресврт.

Кристијан Киву дебитираше со бод на клупата на Интер, тим кој во наредниот период ќе треба да докаже дека се опоравил од болниот пораз во Лигата на шампиони.

Италијанскиот состав беше подобар ривал севкупно гледано во текот на 90-те минути, но постигна само еден гол и тоа оној по мајсторски креираната акција од слободен удар (Лаутаро Мартинез).