Ремито на гости против Обединетите Арапски Емирати пред шест дена му донесе на Узбекистан историски пласман на Светското првенство.
Успехот беше потврден пред преполниот стадион Мили во Ташкент со победа од 3-0 над Катар, а претседателот на земјата го исполни своето ветување кон играчите.
По натпреварот, се одржа церемонија за играчите и тренерскиот персонал за да се прослави историскиот успех на тимот.
Заедно со медалите и одликувањата, узбекистанскиот претседател Шавкат Мирзијоев им подари автомобил на сите оние кои се квалификуваа за Светското првенство.
30 автомобили (кинески, електрични BYD, секој во вредност од 50.000 евра) беа паркирани на атлетската патека, а претседателот им рече на играчите од националниот тим:
„Ни го дадовте Светското првенство, земете ги клучевите и однесете ги дома.“
