Спојот на неколку моќни состојки може благотворно да делува на здравјето на срцето, варењето и нивото на шеќер и холестерол во крвта, а сето тоа со природна нота на слаткост.

Почнете го утрото со нежна, природна мешавина инспирирана со традиционални рецепти. Кога се користи со здрав начин на живот, може да придонесе за подобра работа на срцето.

Состојки:

- 1 чешне лук (здробен)

- 2,5 сантиметри свеж ѓумбир (здробен)

- ½ лажичка мелен цимет

- 1 лажичка мед

Подготовка:

За подготовка на оваа природна мешавина, прво здробете го чешнето лук и парчето свеж ѓумбир, па оставете ги да отстојат 10-на минути за да се ослободат активните состојки.

Потоа додадете половина лажичка цимет и лажичка мед. Добро помешајте ги состојките и консумирајте на празен стомак со една шолја топла вода.

Здравствени предности на овие состојки:

Лук – традиционално се користи за поддршка на здравјето на срцето и крвните садови. Содржи алицин којшто може да придонесе во намалување на холестеролот.

Ѓумбир – има антифламаторни и антиоксидантски својства, позитивно влијае на варењето, а некои истражувања укажуваат на неговиот потенцијал во регулирање на липидите.

Цимет – може да помогне во одржување на здравото ниво на шеќерот во крвта, а може да помогне и во намалување на холестеролот и триглицеридите.

Мед – содржи антиоксиданти, а во комбинација со останатите состојки може да ги намали воспаленијата и да го поттикне варењето на храната.