Изминативе денови, чадот од шумските пожари преку Атлантикот стигна до Европа, а прогнозите укажуваат дека истиот тренд ќе продолжи и оваа недела.
Со почетокот на сезоната на шумски пожари во Канада, Службата за следење на атмосферата на "Copernicus" (CAMS) внимателно ги следи емисиите и движењето на чадот. Последниве денови, чадот од пожарите во канадските провинции Манитоба и Саскачеван се прошири преку Атлантскиот Океан и достигна Европа, при што се очекува оваа појава да продолжи и во наредните денови.
Канада во текот на мај забележа значително зголемување на бројот и интензитетот на шумските пожари, особено во провинциите Саскачеван, Манитоба и Онтарио. Чадот од овие пожари негативно влијаеше на квалитетот на воздухот на локално ниво. Покрај тоа, неколку сателити го забележаа преносот на чадот на големи растојанија преку Атлантикот, кој стигна сè до Европа.
Првиот висок облак чад помина над медитеранскиот регион на 18 и 19 мај, а извештаите покажуваат дека достигнал до Грција и источниот Медитеран. Втор, многу поголем облак чад го премина Атлантикот во последната недела од мај и на 1 јуни стигна до северозападна Европа. Се очекува дополнителни облаци чад да ја достигнат Европа во следните денови.
IN CHARTS CAMS.mp43 charts based on #CopernicusAtmosphere data you shouldn’t miss this month:
📉 The 2025 Southeast Asian fire season was among the lowest of the past two decades but still affected regional #airquality
1️⃣ https://bsky.app/profile/copernicusecmwf.bsky.social/post/3lp7k334mxc2i
Read the summary article: https://atmosphere.copernicus.eu/wildfires-2025-review-asean-reduces-emissions-haze-persists
📉 Smoke from Canada #wildfires reaches the Mediterranean – AtmoHub
2️⃣ https://www.linkedin.com/posts/atmohub_atmohub-airquality-atmosphericscience-activity-7331316443516506112-lH_l/?utm_source=share&utm_medium=member_desktop&rcm=ACoAAB5E6UUBTax_33tMN_yCBM2O9mweClfGtHo
📉 Episode of #SaharanDust transport across north Africa to the eastern Mediterranean reaching Greece, Turkey and Cyprus 23-25 May – CAMS
3️⃣ https://bsky.app/profile/copernicusecmwf.bsky.social/post/3lprba5imac2q
Learn more about our charts page at the link in story!
Posted by Copernicus ECMWF on Wednesday 28 May 2025
Според прогнозите на "CAMS", не се очекува предвиденото движење на чадот да има значително влијание врз квалитетот на воздухот на ниско ниво, бидејќи чадот главно се движи на високи надморски височини. Типичните ефекти вклучуваат заматено небо и црвеникави/портокалови зајдисонца.
„Пожарите се честа појава во бореалните шуми од пролет до лето. До почетокот на јуни, нашите податоци покажуваат дека централните делови на Канада имаа исклучително интензивни недели кога станува збор за емисии од шумски пожари. Овие податоци, заедно со фактот дека можеме да го набљудуваме чадот и над Европа, се доказ за размерите на пожарите и нивното влијание во Манитоба и Саскачеван. Во "CAMS" ги следиме ваквите настани за подобро разбирање на нивното влијание врз атмосферата и квалитетот на воздухот, како на регионално така и на глобално ниво“, изјави Марк Парингтон, виш научник во Службата за следење на атмосферата на "Copernicus".
