Вулканот Етна на Сицилија, највисокиот активен вулкан во Европа, повторно еруптираше, предизвикувајќи паника кај туристите кои бегаа за да си го спасат животот.
Италијанскиот национален институт за геофизика и вулканологија соопшти:
„Во последните неколку часа, активноста забележана во претходниот извештај издаден во 4:14 часот наутро продолжи со експлозии со зголемен интензитет, кои во моментов се многу силни и речиси континуирани“.
#ITALY: New video shows Mount #Etna erupting. pic.twitter.com/zqZHU4FR03
— GRX (@GlobalReportX) June 2, 2025
Според податоците од веб-страницата VolcanoDiscovery.com, сеизмичка активност во форма на вулкански тремор е забележана пред ерупцијата, пишува Mirror.
Треморот започнал синоќа околу 22 часот и го достигнал својот врв околу 1 часот по полноќ. Епицентарот се наоѓал на висина од околу 2,8 километри под кратерот.
Засега нема извештаи за повредени, но властите внимателно ја следат ситуацијата и издаваат предупредувања поради можна понатамошна ескалација на вулканската активност.
