[ФОТО] Роналдо се огласи за својата иднина и предизвика потрес на социјалните мрежи

Според информациите, целта на Португалецот е да биде дел од новоформираниот клупски мундијал на ФИФА, но доколку навистина сака да дојде до такво нешто, мора да направи трансфер во наредните две или три седмици.

Светското клупско првенство започнува на 15-ти јуни и ќе се игра речиси до средината на месец јули, а во ситуацијата кога Роналдо сака да биде дел од летната фудбалска треска која следи, неговиот агент Жорже Медеш ќе мора да му пронајде клуб во најскоро можно време.

Роналдо во својата проштална порака до Ал Наср не даде точни информации за својата иднина, но јасно стави до знаење дека фудбалската приказна има уште неколку епизоди за пишување.

– Ова поглавје е завршено. Приказната се уште се пишува. Благодарен сум на сите, – гласи пораката на Роналдо.