"Honda" претстави револуционерна технологија која ќе ги израдува сите сопственици на мачки. Новите седишта под името „Catnip Car Seats“ се дизајнирани така што дури и најупорните мачки ќе ја засакаат возењето во автомобил.

Како што знае секој сопственик на мачка, возењето миленик во автомобил често се претвора во вистински кошмар: гребењето и постојаното мјаукање се само дел од проблемот. "Honda" реши да стави крај на тоа со иновативно решение, пишува "Index".

Седиштата содржат вграден материјал со мачја трева (catnip), која има смирувачки и релаксирачки ефект врз мачките за време на возењето.

Според луѓето од "Honda", единствен предизвик кој можат да го имаат сопствениците е – да ја натераат мачката да излезе од автомобилот кога ќе стигнат на дестинацијата.

Компатибилни со сите модели

„Honda со години работи на тоа нашите возила да бидат пријателски за домашните миленици, а оваа иновација покажува дека навистина ништо не е невозможно кога сакаме да ги направиме среќни нашите влакнести сопатници“, изјави Ени Мол, директорка на "Hondа" одделот за производи за миленици.

Новите седишта се достапни од минатиот месец и може да се вградат во сите модели на "Honda" – од малиот "Jazz" до големиот "SUV" "CR-V".

Се нудат во верзии од ткаенина и кожа, и подеднакво се удобни и за луѓе.

"Honda" не застанува тука

Седиштата "Catnip Car Seats" се најновиот производ во серијата на "Honda" наменета за домашни миленици.

Меѓу претходните иновации се истакнуваат предните седишта „Pet Co-Pilot“ и безжичниот систем активиран со движење на миленикот – „PAW-S“ (Pet-Activated Wireless System).

Во подготовка се и нови производи специјално за мачки: менувач кој служи како гребалка, анимиран аквариум во инфотејнмент системот и преграда за ракавици со дозер за клопче волна.