Ханси Флик успеа да ги комплетира сите три трофеи на домашно тло и вчеравечер ја завери и титулата во Ла Лига, откако претходно неговиот тим излезе како најдобар и во шпанскиот Суперкуп и во Копа дел Реј.
Сезона со три освоени трофеи не можеше да замислат ниту најоптимистичните фанови на клубот во месец август, но Германецот го направи „невозможното“ и од раштиманата Барселона направи една извонредна офанзивна машинерија, која на крајот доминантно исчекори кон трофејот во Ла Лига.
Барса ја враќа титулата во Каталонија и тоа математички го осигура во дуел со градскиот ривал Еспањол, па иако беше најавено дека ќе нема славје на теренот, огромен дел од играчите не го испочитуваа тоа.
Ламин Јамал беше единствениот играч на Барселона кој го испочитува барањето на Ханси и веднаш се упати кон соблекувалната, додека останатите почнаа да ја слават освоената титула во ситуација кога организаторот на мечот ги пушти и прскалките за да ја расипе атмосферата.
Ханси со јасни гестикулации бараше од своите играчи да покажат почит кон Еспањол и да не слават на теренот на лутиот ривал, а откако виде дека реакциите не носат резултат, ги презема работите во свои раце и почна да ги турка фудбалерите кон соблекувалната.
Видеото погледнете го ТУКА.
Hansi Flick pidiéndoles a sus jugadores que no se quedaran celebrando en la cancha por respeto al Espanyol y a sus aficionados. No pudo controlar a todos sus futbolistas, pero no permitió que el festejo se extendiera demasiado. A algunos hasta los empujó para llevárselos al… pic.twitter.com/mX4GErEqll
— Invictos (@InvictosSomos) May 15, 2025
