Вакцината против алергија на мачки е во фаза на подготовка за клинички испитувања врз луѓе, соопшти денес прес-службата на Универзитетот Сеченов во Москва.
Претходно беше објавено дека тим од Универзитетот Сеченов, заедно со Медицинскиот универзитет во Виена, развива вакцина против алергија на мачки, пренесе РИА Новости.
„Врз основа на резултатите од студијата, научниците ги избраа двете најперспективни варијанти на дизајнот на вакцината. Развојот моментално е во фаза на подготовка за клинички испитувања врз луѓе“, соопшти прес-службата.
Тие објаснија дека алергијата на мачки е една од најчестите форми на респираторни алергии во светот.
Според различни процени, до 25 отсто од сите луѓе може да страдаат од ринитис, астма, конјунктивитис и дерматитис предизвикан од контакт со алергени од мачки.
Клучните алергени се протеините Fel d1, Fel d4 и Fel d7, кои се лачат од плунковните и лојните жлезди на мачката.
„Исто така, се покажа дека антителата на новата вакцина делумно ја потиснуваат реакцијата на главниот кучешки алерген Can f1 и коњскиот алерген Equ c1. Ова ги проширува можностите за употреба на вакцината“, додаде прес-службата на Московскиот универзитет.
