Замислете дека можете да постигнете совршено хидрирана, сјајна и здрава кожа со „стаклен“ ефект користејќи само две или три природни состојки што можеби веќе ги имате во вашата кујна.

Овој домашен тоник за лице ви ги нуди придобивките од состојките кои се користат со векови за нега и регенерација на кожата. Оризот, познат како таен сојузник на азиските ритуали за убавина, е комбиниран со моќни семки од пискавица, чии антиоксидантни својства ја ревитализираат кожата.

Сето ова го надополнува водата, која ги пренесува хранливите материи од овие состојки длабоко во епидермисот. За помалку од едно евро, можете да создадете свој еликсир за убавина – едноставен, ефикасен и природен.

Домашен тоник за сјајна и здрава кожа

Состојки:

• 1 лажица ориз;

• 1 лажица семки од пискавица;

• 1,5 дл вода;

• чисто шише со распрскувач.

Подготовка:

Зовријте ја водата во мал сад, додадете ориз и семе од пискавица. Варете околу 10-15 минути додека течноста не стане млечно бела. Изладете ја, процедете ја и истурете ја во чисто шише со распрскувач. Тоникот можете да го чувате во фрижидер до седум дена.

Примена:

Откако ќе го исчистите лицето, испрскајте го тоникот директно на кожата или нанесете го со памукче. Оставете да се исуши природно пред да нанесете хидратантна крема или серум. Користете ја наутро и навечер за оптимални резултати.