Мајката Витни сподели неодолив момент на семејниот "TikTok" профил, кој успеала да го сними додека подготвувала оброк. Во едната рака го држела своето бебе, а со другата користела нож по кој удирала со дланка додека го лупела лукот.
Ќерката на Витни била воодушевена од тоа што го правела мајка ѝ и не можела да престане да се смее. Со секој нов удар по лукот, симпатичното девојче се смеело сè повеќе, а нејзината смеа била толку заразна што и самата Витни започнала да се смее до солзи и морала да престане со чистењето.
„Кој би рекол дека чистењето лук може да биде толку забавно“, се пошегува Витни во описот на видеото. Истото можете да го погледнете подолу.
@towhitneyandbeyond Who knew cutting garlic was so funny #babiesoftiktok #babylaugh #cooking ♬ original sound - towhitneyandbeyond
Видеото стана вирално на "TikTok" и до крајот на април било прегледано повеќе од 200 милиони пати, а на многумина им измамило насмевка. Некои корисници дури напишале во коментарите дека ќе го гледаат ова видео секогаш кога ќе се чувствуваат лошо.
„Децата се најдобар пример дека и најобичните работи можат да нè насмеат до солзи“, „Не можам да престанам да се смеам“, „Не знае ни самата колку ми го разубави денот“, „Искрена смеа на дете – нема ништо подобро“, „Ова е едно од оние видеа што ги гледаш кога ти е тешко“, „Го зачувувам видеото за лоши денови кога ми треба малку позитивност“, беа дел од коментарите под објавата.
