Политиката „Да ја направиме Америка повторно голема“, која американскиот претседател Доналд Трамп ја повторува уште од својот прв мандат во Белата куќа, може да има спротивен ефект, пишува „CNBC“ во анализа.
Општо земено, тоа сугерира дека домашните работи и проблеми треба да имаат приоритет, а не меѓународните, а ова се заснова на претпоставката дека на светот му се потребни САД повеќе отколку што на САД им е потребен светот.
Ова веројатно е точно, но само до одреден степен, забележува „CNBC“, повикувајќи се на податоци од Светската трговска организација (СТО). Тие покажуваат дека САД се најголемиот увозник во светот, односно пазар што го бараат сите. САД се исто така водечки извозник во некои сектори (на пример, течен гас во Европа или оружје).
Но, иако не е особено лесно, државите успеваат да најдат начин да одговорат на „MAGA“ и нејзините манифестации како што се царините и другите политики на Доналд Трамп. Фактот дека речиси еден месец по објавувањето на драматичното зголемување на царините за увезена стока, Белата куќа сè уште не постигнала ниту еден трговски договор што би ја исправил трговската нерамнотежа во односите е исто така значаен. Покрај тоа, се чини дека американскиот претседател е подготвен да направи отстапки поради проблемите на домашниот пазар.
Пред неколку дена, „СNN“ објави за состанокот меѓу претставници на големите малопродажни синџири и Трамп во Белата куќа, кој предупреди дека постои ризик продавниците да останат празни. После тоа, имаше омекнување на реториката кон Кина, според извештаите на медиумите во странство.
„CNBC“ забележува дека азиските земји почнале да се обединуваат, да ги зајакнуваат врските и да ја зголемуваат регионалната трговија. За земјите од Југоисточна Азија, САД се стратешки партнер во некои сектори – како што е одбраната – но Кина е најголемиот трговски партнер. Кинеската влада одговори на заканите од САД на еден од своите добро познати начини – стимулации за погодените компании.
Остатокот од текстот можете да го прочитате ТУКА.
