„Одвратна губитничка“

Под објавата Педро напишал коментар во кој ја опишал авторката на книгите за Хари Потер, Џ.К. Роулинг, како „одвратна губитничка“, а неодамна ја искажал и неговата поддршка за транс заедницата на премиерата на филмот „Thunderbolts“ во Лондон, носејќи маица со натпис „Protect The Dolls“.

Инаку врховниот суд на Велика Британија минатата недела одлучи дека според Законот за еднаквост од 2010 година, терминот „жена“ ги опфаќа исклучиво биолошките жени. Роулинг, која наводно ја финансирала кампањата што довела до овој судски случај, објави фотографија на социјалните мрежи со цигара на нејзината јахта од 150 милиони долари, славејќи ја пресудата.

Во видеото кое го објавил Рауф, тој ја повикал јавноста да „се погрижи секој проект поврзан со Хари Потер да пропадне“, нарекувајќи ја нејзината прослава „одвратна и гнасна“. Паскал се согласил со тие зборови и коментирал: „Одвратно и гнасно е апсолутно точно. Однесување на одвратна губитничка.“

Сестрата на Педро го започнала процесот на транзиција

Ова не е прв пат Паскал јавно да ја поддржи транс заедницата – претходно оваа година тој споделил цитат на неговиот Инстаграм профил: „Свет без трансродови лица никогаш не постоел и никогаш нема да постои“. Во описот, тој додал: „Не можам да замислам ништо поодвратно и победно од злоупотребата на најмалата и најранлива заедница на луѓе кои не бараат ништо друго освен право на постоење.“

Сестрата на Педро, Лукс, која има 32 години, го објавила својот идентитет и ја започнала транзицијата во 2021 година. Актерот во повеќе наврати изјавил дека тој е заштитнички настроен кон неа, но и дека таа е „неверојатно силна личност“ која повеќе му е потребна нему отколку тој нејзе. Во интервју за „Esquire“, тој изјавил: „Не сакам да зборувам во нејзино име, но таа отсекогаш била една од најсилните личности што ги познавам. Мојот заштитнички инстинкт е убиствен, но таа ми е потребна повеќе отколку што јас сум ѝ потребен нејзе“.

Пресудата предизвика жестока реакција во јавноста

Одлуката на судот од минатата среда значи дека жените се дефинирани исклучиво според нивниот биолошки пол, што значи дека транс жените, дури иако имаат сертификат за промена на полот (GRC), законски не се жени.

Пресудата предизвика жестоки реакции од транс активистите и бројни јавни личности. Многу актери од франшизата „Хари Потер“ повторно се дистанцираа од Роулинг и ја поддржаа транс заедницата – меѓу нив Даниел Редклиф, Ема Вотсон и Руперт Гринт.