Барселона, доколку добие вистинска понуда, во летниот преоден рок ќе го продаде својот најдобра фудбалер оваа сезона. Рафиња ја игра најдобрата сезона во кариерата на 48 натпревари постигна дури 30 гола и додаде уште 23 асистенции.
Рафиња беше на продажба минатото лето, но тој реши да остане во Барселона и не згреши. Тој е легитимен кандидат за „Златната топка“ која му се доделува на најдобриот фудбалер во светот.
Поради тоа изненадувачка е одлуката на претседателот Џоан Лапорта и спортскиот директор Деко, да го продадат Бразилецот кој има договор до јуни 2027 година.
Според шпанските медиуми Рафиња може да замине доколку некој понуди 85 милиони евра. Според шпекулациите за него се заинтересирани Арсенал, Челси и Ливерпул.
