Мал авион со шест патници се урна во американската сојузна држава Њујорк, потврди Федералната управа за авијација на САД. Несреќата се случила во саботата околу 12:15 часот по локално време, кога авионот тип „Мицубиши МУ-2Б“ паднал во нива во близина на градот Чопеј, во областа Колумбија, Хадсон.
Авионот бил на пат кон регионалниот аеродром Колумбија, а причините за падот сè уште не се познати, пренесува Ројтерс.
A Mitsubishi MU-2B plane was carrying six people when it crashed near Copake, New York, close to the Massachusetts border on Saturday. The FAA reported the incident, and authorities confirmed at least one fatality. https://t.co/Ewv6zze6Q0 pic.twitter.com/CHhUnaUEzz
— NewsGate (@news__gate) April 13, 2025
Потврдена најмалку една жртва
Според првичните информации, најмалку едно лице го загубило животот, но се стравува дека бројот на жртви може да биде поголем. Спасувачките екипи имаат потешкотии во пристапот до местото на несреќата поради лошите временски услови, кал и снег.
На прес-конференција, подшерифот на округот Колумбија, Жаклин Салваторе, изјави:
– Несреќата се случила среде поле, земјата е каллива и снегот го отежнува пристапот до остатоците од авионот.
FAA and NTSB investigate fatal MU-2B plane crash near Copake, New York https://t.co/rKigeYMQjT #FAA #Copake #MU2BCrash #HudsonNY #NTSB #NewYork
— Business-News-Today.com (@cricket_fundas) April 13, 2025
Серија трагедии
Оваа несреќа доаѓа само неколку дена по трагичната смрт на извршниот директор на „Сименс“ и неговото семејство, кои исто така загинаа во авионска несреќа. Во изминатата недела, САД беа погодени од неколку фатални авионски инциденти, што повторно ги отвори прашањата за безбедноста на малите приватни летала.
Истрагата е во тек
Федералната управа за авијација и Националниот одбор за безбедност во сообраќајот (NTSB) започнаа истрага за утврдување на причините за несреќата. Очекувањата се дека повеќе информации ќе бидат достапни во наредните денови.
