Дијамантот во боја „Mediterranean Blue“ изложен е на првата јавна изложба на „Sotheby’s“ од 2009 година во „Bassam Freiha Art Foundation“, во култниот кварт на островот Саадијат во Абу Даби.
Реткиот дијамант, проценет на околу 20 милиони долари, ќе биде понуден на продажба на аукцијата на „Sotheby’s High Jewels“ во Женева на 13-ти мај.
Изложени се и други вредни колекционерски предмети, вклучувајќи го најголемиот беспрекорен дијамант во светот, најголемиот живописен жолто-кафеав дијамант досега, вториот по големина познат црвен дијамант и неколку дијаманти од преку 100 карати.
Спектакуларните дијаманти вредат околу 100 милиони долари.
„Изложбата е неверојатно возбудлива од едноставна причина што да се има само осум дијаманти од овој калибар во иста просторија е нешто достојно за еден од најголемите музеи во светот, и не можам да замислам дека некогаш повторно ќе ја видиме оваа низа заедно“, изјавил Пол Редмејн, постар потпретседател за приватна продажба на луксузни производи на „Sotheby’s“.
