Апнеја при спиење е сериозен проблем за оние кои страдаат од неа. Имено, станува збор за нарушување при кое заболените во текот на спиењето на краток временски период престануваат да дишат. Ова предизвикува и други проблеми, од кардиоваскуларни болести, преку замор, до пад на квалитетот на живот.
Иако, за жал, нема лек за оваа состојба, компанијата Ресмед пронашла решение.
Станува збор за уредот „AirTouch N30i“ кој ги одржува дишните патишта отворени за време на спиењето. Ова се постигнува така што уредот доставува воздух и под висок притисок дишните патишта остануваат отворени, спречувајќи прекини.
Уредот е лесен
Уредот изгледа како назална маска. Има рамка која е целосно обложена со ткаенина за да биде нежна и лесна за лицето и косата. Дизајнот е таков што им овозможува на корисниците да спијат во која било положба. Перничето кое се става на носот е изработено од силикон, додека цревото може брзо да се откачи доколку во текот на ноќта корисникот посака да стане.
Маската е прозрачна и ја впива влагата, па така нема лошо влијание врз кожата на корисникот. Меѓутоа, ако не се одржува и не се чисти правилно, може да предизвика иритација.
