Карло Анчелоти вчеравечер се израдува на тешка победа на Реал Мадрид во полуфиналето во Купот, но ова утро мораше да стане доста рано и да се појави пред судот во шпанската престолнина.
Причина за тоа е случај кој го прогонува веќе десет години, а кој по се изгледа во најскоро време ќе добие своја разрешница по денешното излагање на Дон Карло пред одредениот судија.
Тренерот на Реал Мадрид е обвинет за затајување на данок во текот на 2014-та година во висина од 1 милион евра, сума која наводно не ја пријавил во своите редовни годишни даночни обврски за време на својата прва етапа во Реал.
Станува збор за сума која се однесувала исклучиво на неговите имиџ права, па иако обвинетите во најголем дел од ситуациите склучуваат договор со судовите со исплаќање на парична казна, искусниот Италијанец денеска одбил да направи такво нешто.
Анчелоти смета дека е апсолутно невин во дадената ситуација и дека направил се како што му било кажано и „напишано според книга“, па затоа целосно ги отфрла обвинувањата за затајување на данок кои можат да му донесат и завторска казна од речиси пет години (4 години и 9 месеци).
– Три години се грижев само за мојата нето наплата од шест милиони евра и никогаш не сфатив дека нешто не е во ред. Исто така, не добив никаква дојава и известување дека Обвинителството води истрага против мене.
– Реал Мадрид ми предложи компанија за трансфер на имиџ правата и откако се советував, не видов ништо спорно. Никогаш не навлегував подлабоко бидејќи се ми изгледаше во ред. Никогаш не помислив дека ќе бидам данончен измамник, а очигледно сум тука бидејќи според вас не било се така фер, – изјавил денеска Анчелоти пред судијата во Мадрид.
Судот во Мадрид му нуди спогодба на Анчелоти која надминува нешто над 3 милиони евра, но во оваа фаза од судењето, Карло категорично отфрла такво нешто поради тоа што се смета за целосно невин.
