На патеката Муџело во Италија викендов стартуваше сезоната 2025 од популарниот автомобилски шампионат „Euro Twingo Cup“. Првата трка се возеше на патека во Муџело, а победата ја однесе македонскиот возач Марко Блажевски, кој финишираше на првото место во конкуренција од 26 натпреварувачи.
Со овој успех, Блажевски му донесе голем меѓународен триумф на македонскиот автомотоспорт уште на самиот почеток од сезоната. Блажевски стартуваше од седмата позиција и веќе после неколку свиоци успеа да стигне до првото место.
„Пресреќен сум за победата, но не би кажал дека оваа победа е среќа. Имавме проблеми со автомобилот во петокот и саботата но го решивме и поради тоа денеска сме прво место“ изјави Блажевски по трката, потенцирајќи дека внимателната стратегија и добриот сетап на автомобилот биле клучни за успехот, пренесува „Вечер“.
Иако до крајот на сезоната претстојат уште десет трки, Блажевски веќе се наметнува како еден од фаворитите за шампионската титула во Euro Twingo Cup 2025. Неговиот триумф импресионираше многумина – и фановите и познавачите на авто-мото спортот сметаат дека македонскиот ас има реални шанси да дојде до титулата. Блажевски во претходните сезони се истакна со одлични резултати (вклучувајќи ја и титулата во македонскиот Twingo Cup во 2022 и 2023 година), па неговиот победнички менталитет сега го пренесува и на европската сцена.
Остатокот од текстот можете да го прочитате ТУКА.
