Холивудската актерка Ким Дилејни, најпозната по улогата во серијата „Њујоршките сини“ (NYPD Blue), е уапсена во саботата наутро.
Драмата започнала околу 10 часот кога полицијата била повикана во нејзиниот дом во Лос Анџелес поради кавга во семејството во која учествувале таа и нејзиниот партнер Џејмс Морган.
Former "NYPD Blue" Star Kim Delaney Arrested For Felony Assault | Click to read more 👇 https://t.co/vSees44eZe
— TMZ (@TMZ) March 30, 2025
Како што открил извор за Ти-ем-зет, двајцата влегле во жестока расправија која од вербална прераснала во физичка пресметка.
Покрај полицијата, повикана била и брза помош за да се утврди дали се повредени Ким (63) и Џон.
Откако и двајцата биле прегледани, полицијата им ставила лисици на рацете и ги одвела во затвор.
Ким се товари за кривично дело „напад кој би можел да нанесе сериозни телесни повреди“. Морган е обвинет за семејно насилство.
Иронија на судбината е тоа што Ким се прослави со улогата на детективката Дајан Расел, која во во 1997 година ѝ донесе награда Еми за најдобра споредна женска улога во драмска серија.
Ким оствари забележителни улоги и во сериите „CSI Miami“, „Philli“, „Army Wives“ и во сапуницата „All My Children“.
Ова не е нејзино прво соочување со законот во приватниот живот – во 2002 година беше уапсена за возење во пијана состојба во Малибу, а во 2024 година беше тужена од мотоциклист, бидејќи наводно побегнала од местото на несреќата во Лос Анџелес.
