Дуелот меѓу Хрватска и Франција во Сплит донесе директна пресметка и меѓу двајца добри соиграчи, односно двајца капитени кои секојдневно ја делат соблекувалната во Реал Мадрид.
Лука Модриќ му беше домаќин на Килијан Мбапе на „Пољуд“ и излезе како победник во натпреварот кој заврши 2:0, а на кој во финишот видовме и една специфична ситуација.
Францускиот капитен се обиде да изглуми и да исценира пенал во 87-та минута во една акција во која ситуацијата ја расчисти Модриќ, но таквиот обид на Мбапе на момент го налути далеку поискусниот фудбалер.
Лука веднаш се стрча кон Мбапе и му се внесе во лице, а додека го стануваше од земја, јасно му порачуваше да не симулира пенал.
Ваквата реакција на Модриќ беше прифатена со насмевка од Мбапе, по што и Хрватот сфати дека судијата нема да наседне на обидот на Французинот.
Видеото погледнете го ТУКА.
