Тајната служба на САД рано утринава застрела вооружен маж од Индијана, кој бил на еден блок од Белата куќа, откако локалните полициски власти ја известиле агенцијата за „суицидална личност“, соопшти агенцијата.
„Припадниците на Тајната служба учествуваа во пукотница по вооружена средба со лице од интерес, нешто по полноќ на 9 март на 17th и G Streets NW“, потврди портпаролот на тајната служба Ентони Џулиелми на платформата X, пренесе Њујорк пост.
Secret Service Uniformed Division Chief Michael Buck provided an on-scene media briefing. Our preliminary statement is below. The @DCPoliceDept will lead the investigation, as they are the primary agency responsible for use-of-force incidents within the District of Columbia. pic.twitter.com/Aqv6djUzbV
— Anthony Guglielmi (@SecretSvcSpox) March 9, 2025
Тајната служба застрелала маж во близина на Белата куќа
Федералните агенти го забележале автомобилот на маж паркиран во близина на раскрсницата на улиците 17 и Ф, во близина на зградата на извршната канцеларија на Ајзенхауер, еден блок западно од западното крило на Белата куќа.
Неидентификуваниот маж се упатил пеш кон познатата авенија Пенсилванија, каде што агентите на Тајната служба го пронашле веднаш по полноќ.
BREAKING: Secret Service agents shot an armed man near the White House. He was taken to a local hospital. His condition is unknown. We will have a live report on @wusa9 starting at 7 a.m. pic.twitter.com/CgXfyKKwli
— Marcella Robertson (@Marcella_Rob) March 9, 2025
Дошло до „вооружена пресметка“ кога мажот извадил огнено оружје.
Агентите на Тајната служба биле принудени да отворат оган врз мажот, кој потоа бил пренесен во локална болница во непозната состојба, соопшти агенцијата.
Откриено каде се наоѓал Трамп
Ниту еден член на Тајната служба не е повреден, се вели во соопштението на агенцијата.
Американскиот претседател Доналд Трамп во моментот на пукањето престојувал на својот имот Мар-а-Лаго во Флорида.
Мажот, за кој се вели дека бил суицидален, се верува дека пристигнал од Индијана во Вашингтон во саботата, поради што локалната полиција ја известила Тајната служба.
