Кинескиот блогер Чен Жен предизвика голема дебата на социјалните мрежи откако заработи дури седум сообраќајни казни додека ја тестирал новата кинеска верзија на системот Тесла „Full Self-Driving“.
На 26 февруари, Чен објавил видео на платформата „Weibo“ на кое го прикажува тестирањето на Тесла улиците на Пекинг во текот на ноќта, кога заработил дури седум казни. Прекршувањата вклучувале возење по велосипедска патека, преминување на полна линија и возење право низ лентата наменета за вртење.
Tesla FSD Test in Beijing: Seven Fines
— Motor Watt (@Motor_Watt) March 3, 2025
Chinese auto blogger Chen Zhen received seven fines for violating traffic rules during a test drive of the mid-range version of Tesla FSD: using bike lanes, crossing solid lines, violating lane traffic pic.twitter.com/UYDn3heXW7
Блогерот нагласил дека „FSD“ на Tesla во Кина моментално е на второто ниво на автономија, што значи дека возачот сноси целосна одговорност за однесувањето на возилото во секое време, вклучително и прекршоците.
Истовремено, кинеската платформа за преглед на автомобили „Dongchedi“ спровела компаративен тест на „Tesla Model Y“, „Li Auto L7“ и „AITO M9“, кои имаат напредни системи за помош при возење.
你好,中国 https://t.co/NotOLwaR58
— Tesla (@Tesla) February 25, 2025
Резултатите покажале дека за „Model Y“ на „Tesla“ барале 24 интервенции на возачот и притоа собрале 34 сообраќајни прекршоци. „Li Auto L7“ имал 9 интервенции и 14 прекршоци, додека „AITO M9“ забележал 12 интервенции и исто така 14 прекршоци. „Tesla“ објавил дека започнал да нуди напредни функции за самоуправување за своите возила во Кина, вклучително автопилот за градските улици и систем за надзор на ретровизорот кој проверува дали возачот го следи патот.