Извршниот директор на "Tesla" и близок соработник на американскиот претседател Доналд Трамп, милијардерот Илон Маск, доби уште еден син – своето 14-то дете.
Маск го доби синот со Шивон Зилис, извршна директорка во неговата компанија „Neuralink“, со која веќе има три деца, пренесе "Reuters".
„Разговаравме со Илон и, во светлината на прекрасната роденденска прослава на Аркадија, сметавме дека е најдобро директно да ја споделиме веста за нашиот прекрасен и неверојатен син, Селдон Ликургус“, напиша Зилис на X (поранешен Твитер).
Discussed with Elon and, in light of beautiful Arcadia’s birthday, we felt it was better to also just share directly about our wonderful and incredible son Seldon Lycurgus. Built like a juggernaut, with a solid heart of gold. Love him so much ♥️
— Shivon Zilis (@shivon) February 28, 2025
Маск одговори на нејзината објава со емотикон срце.
Зилис ја објави оваа вест само две недели откако инфлуенсерката Ешли Сент Клер откри дека неодамна исто така добила дете со Маск.
