Сега можете да пристапите до најнапредниот модел на вештачка интелигенција од "xAI", "Grok 3", дури и ако немате претплата на "X".
"Grok 3" ќе биде „накратко“ достапен бесплатно, како што објави Илон Маск, но не прецизираше до кога ќе трае оваа понуда.
Кога ќе го отворите "Grok", сега ќе забележите нови опции „Think“ и „DeepSearch“, кои се достапни само за "Grok 3". Важно е да се осигурате дека случајно не користите "Grok 2".
Доколку имате "X Premium+" или "SuperGrok", ќе добиете поголем пристап до функциите, како и рано пристапување до напредни можности, како што е гласовниот режим.
Компанијата го лансираше "Grok 3" семејството на модели пред неколку дена за време на пренос во живо, при што Маск го опиша како модел што е „значително поспособен“ од "Grok 2".
Некои од моделите во ова „семејство“ се способни за „човечко расудување“, кое можете да го активирате со избор на опцијата „Think“. Оваа функција е замислена за покомплексни задачи.
