Можностите за поставување видео беа додадени на 23 април, кога Карим го објави првото видео со наслов „Јас во зоолошката градина“. Снимката од 19 секунди на која се гледа Карим пред слонови во зоолошката градина во Сан Диего, собра 348 милиони прегледи.

Снимка од зоолошката градина

Можностите за пренос на видеозапис биле додадени на 23 април, кога на платформата било објавено видео со наслов „Еве ме во зоолошката градина“. Нејзин автор е Џавед Карим. Видеото од 19 секунди го прикажува Карим пред слоновите во зоолошката градина во Сан Диего и истото собрало 348 милиони прегледи.

„Добро, еве сме до слоновите. „Убавото кај нив е што имаат навистина долги сурли … и тоа е супер. И тоа е она што генерално има да се каже“, рекол кратко Карим и влегол во историјата. Благодарение на тоа видео заработил солидна сума пари. Иако од тогаш повеќе не објавил ниту едно видео, неговиот канал има повеќе од 5,2 милиони прегледи.

Како Карим заработил од „YouTube“

Познат како втор најпосетуван веб-сајт во светот по „Google“, никој не можел да го предвиди успехот што ќе го постигне „YouTube“. Додека Харли и Чен биле мнозински акционери на страницата, Карим започнал како советник, но имал значително помал удел во компанијата. Тоа не го спречило да ја искористи продажбата на страницата на „Google“ во октомври 2006 година. Карим тогаш заработил околу 64 милиони долари во акции. Сите тие пари се заработени без Карим да земе „плата, бенефиции или дури и формална титула“ од „YouTube“, пишува „New York Times“.

Потоа, Карим инвестирал во уште два успешни потфати. Тој станал еден од првите инвеститори на „Airbnb“. Покрај тоа, тој го започнал инвестицискиот потфат „Yventures“ со партнерите Кит Рабоис и Кевин Харц во 2009 година.

Видеото се чини едноставно и безначајно, но тој ги поставил темелите на сите идни креатори, идејата да споделат аспекти од нивниот живот со публиката. Иако Карим никогаш повеќе не поставил содржина на каналот, тој ги уредил описот и насловот на оригиналното видео за да испрати порака.

Аналитичарите го гледаат купувањето на „YouTube“ од „Google“ во 2006 година за 1,65 милијарди долари како клучен момент, бидејќи ја споил платформата за споделување видео со страсните корисници со експертизата на „Google“ за пребарување и рекламирање. „YouTube беше дел од закрепнувањето од падот на „dot-com“, кога луѓето сфатија дека она што е навистина важно е монетизацијата“ на Интернетот“, зборувал технолошкиот аналитичар Роб Ендерле, мислејќи на „пукањето на балонот“ на технолошкиот раст без план кон крајот на 1990-тите. „YouTube стана пример“ за тоа како треба да се градат интернет компаниите, „наспроти тоа како тие ги правеа работите во доцните 1990-ти“.

Google го искористи своето знаење за рекламирање за да изгради успешен модел, споделувајќи ги приходите со креаторите кои привлекуваат значителна публика.

Компанијата, исто така, ја подобрила технологијата и преговарала за спогодби за прекршување на авторските права. „Пиратерскиот аспект не е толку присутен на „YouTube“ како порано“, забележува Бенес. „А некогаш имаше и голотија.“ Платформата, исто така, успеа да одговори на загриженоста дека на децата им се сервираат вознемирувачки содржини преку софтвер за препораки. Компанијата лансирала бесплатна апликација „Youtube Kids“ промовирана како безбеден простор за деца и постојано го приспособува својот алгоритам за да избегне навреда на корисниците и влегување во проблеми со огласувачите и властите.

Аналитичарот Ендерле ѝ дава признание на поранешната извршна директорка Сузан Војчицки, која почина минатата година, со голема заслуга за развојот на „YouTube“ во одлична платформа. „Беше феноменална во својата работа и покажа како треба да се направи вакво нешто“, вели Ендерле.

Карим повремено се огласува – но не снима

Иако никогаш не поставил друго видео, Карим повремено го менувал насловот и описот на своето видео за да испрати порака.

Кога „Google“ се обиде да ги принуди јутјуберите да отворат сметки на „Google+“ за да можат да коментираат, Карим напишал:

„Зошто по ѓаволите морам да имам сметка на „Google+“ за да коментирам на видео?“.

Целата „YouTube“ заедница му се придружила во бунењето, што го принудило „Google“ да ја повлече својата одлука, а „Google+“ конечно бил изгасен во 2019 година.

Подоцна, кога „YouTube“ го отстрани бројот на видливи дислајкови, Карим во описот на своето видео напишал:

„Кога сите креатори на „YouTube“ се согласуваат дека отстранувањето на дислајковите е глупава идеја, веројатно е. Обидете се повторно, „YouTube“.

Иако сè уште се грижи за платформата и нејзиниот развој, Карим успеа да остане надвор од центарот на вниманието и да води живот далеку од очите на јавноста.