Земјоделецот Ахмет Карабела (78) од провинцијата Амасија во Турција, самиот си ископал гроб за кога ќе почине да не им биде на товар на другите, а ноќе спие во него.
Веста ја пренесе турскиот портал Хеберлер.
Карабела, кој живее со својата сопруга во селото Салучу, внимателно го подготвил сопственото гробно место, покривајќи го со најлон, а кога ќе почине побарал да не биде сместен во мртовечница.
Kendi mezarını kazdı: Burası benim mekanım diyerek geceleri yatıyor! #mezar #amasya #suluovahttps://t.co/7azSkDmHoR pic.twitter.com/BL2H5k8f4U
— Son Mühür (@sonmuhurhaber) February 8, 2025
„Сам си го ископав гробот за никому да не бидам на товар. Ако даде Господ, нека ме погребаат овде“, рече Карабела, кој е татко на пет деца.
Во селото со 150 домаќинства, Карабела е познат по копањето гробови за погребите на неговите сожители.
„Не може секој човек да ископа ваков гроб. Господ ми даде сила. Ноќе доаѓам на мојот гроб и спијам таму. Затоа што тоа е моето место“, додаде Карабела.
Селскиот старешина Јусуф Ташова рече дека Карабела бил многу сакан во селото каде што придонел да се ископаат сите гробови и дека никогаш немал конфликт со никого, поради што му посака долг живот.
