Анџелина Џоли се појави на филмскиот фестивал Санта Барбара и привлече огромно внимание со нејзината модна комбинација.
Холивудската актерка со години важи за една од најубавите, но можеби и најконтроверзните актерки.
Откако и официјално се разведе, со оглед на тоа дека нејзиниот развод со Бред Пит заврши, Анџелина е посветена на кариерата, а наоѓа време и за модата.
На споменатиот фестивал таа, како и обично, се појави во наизглед едноставен фустан без намера да се истакне, но сепак го привлече вниманието на сите присутни. Имено, Анџелина избра беж фустан со шлиц од страна, а носеше и сако во истата нијанса.
Своето модно издание го заокружи со црни потпетици и со минимална шминка, но и покрај тоа беше една од најубавите и најзабележаните актерки на фестивалот.
Покрај шлицот од страна, кој ги истакна нејзините неверојатни нозе, фустанот имаше и изрез на грбот кој откри дека актерката не носела градник.
Анџелина Џоли и Бред Пит важеа за еден од омилените парови во Холивуд, но нивната бајка заврши неславно. Откако објавија дека се разведуваат, започнаа и правна битка околу поделба на имотот, а замокот во Франција беше особено спорен.
После сето ова, Бред среќата ја пронајде со 29 години помладата Инес де Рамон, додека за приватниот живот на Анџелина не се познати многу детали.
