Уште една марка ја повлече рачната сопирачка и го запре преминот кон чисто електрична мобилност.
Последниот во серијата брендови што ги ревидира своите планови за електрична енергија е "Alfa Romeo". Електричната иднина сега е под знак прашалник, и транзиција кон т.н мулти-енергетска стратегија. Со други зборови, "Alfa" направи пресметка и заклучи дека би било паметно да се задржат „фосилите“ во понудата.
Тоа е особено видливо во Америка, каде италијанскиот бренд се бори за посилно присуство и подобри продажни резултати. Минатата година продадоа само 8.865 автомобили во САД, што е пад од дури 19%. Падот дополнително се зголеми во последниот квартал од минатата година.
Крис Феуел, неодамна назначениот шеф на "Alfa Romeo" за Северна Америка, го потврди пресвртот, истакнувајќи дека промената е направена во текот на изминатиот месец. „Најголемото нешто во нашиот производ и технолошки план е преминот од она што беше само стратегија за електрични возила со батерија, кон стратегија која е мултиенергетска“, објасни Феуел.
Да потсетиме дека раководството на "Alfa Romeo" претходно најави дека до 2027 година целата гама ќе биде електрична. Исто така, моделот "Tonale" лансиран во 2023 година требаше да биде последниот бензински модел. Сега се дозна дека новите "Giulia" и "Stelvio" нема да бидат исклучиво електрични. Тие ја преземаат платформата" STLA Large", а освен хибриди, во понудата ќе има и верзии придвижувани од мотори со внатрешно согорување.
