Една од луѓето кои отслужија затворска казна за учество во немирите во Капитолот на Соединетите Американски Држави пред четири години, одби помилување од претседателот Доналд Трамп, велејќи: „Направивме грешка тој ден“.
Памела Хемфил, која се изјасни за виновна и беше осудена на 60 дена затвор, изјави за Би-Би-Си дека не треба да има помилување за настаните од 6 јануари 2021 година.
„Прифаќањето на помилување само ќе ги навреди полицајците на Капитол, владеењето на правото и, се разбира, нашата нација“, рече таа.
„Се изјаснив за виновна затоа што бев виновна, а прифаќањето на помилување дополнително ќе придонесе за нивните манипулации и лажни наративи.
Хемфил, која корисниците на социјалните мрежи ја нарекоа „Баба МАГА“ во врска со слоганот на Трамп „Да ја направиме Америка повторно голема“, рече дека администрацијата на Трамп се обидува да ја „препише историјата“ и дека таа не сака да учествува во тоа.
„Направивме грешка тој ден, го прекршивме законот – не треба да има помилување“, изјави таа за програмата „Newsday“ на "BBC".
Одлуката на Трамп да помилува или намали казните на речиси 1.600 луѓе вклучени во обидот за насилно поништување на резултатите од изборите во 2020 година дојде само неколку часа по неговото враќање на претседателската функција.
На прес-конференцијата во вторникот, Трамп изјави: „Овие луѓе се во затвор со години и во ужасни услови. Тој затвор е одвратен. Беше страшно, нехумано. Тоа е страшна работа“.
Сепак, овој потег предизвика немирни реакции кај некои републикански политичари.
Сенаторот Том Тилис од Северна Каролина рече дека „едноставно не може да се согласи“ со одлуката, додавајќи дека таа „покренува легитимна загриженост за безбедноста на Капитол Хил“.
Друг републикански сенатор на САД, Џејмс Ланкфорд од Оклахома, изјави за "CNN": „Мислам дека треба да продолжиме да нагласуваме дека сме партија на законот и редот“.
Тој додаде: „Мислам дека нападот на полицаец е многу сериозна работа и дека мора да има цена за тоа“.
Ова не е прв случај некој да одбие помилување, а според Уставот на САД поединец има право да го одбие, што претходно беше потврдено од Врховниот суд, според Правниот факултет на Универзитетот Корнел.
Меѓу помилуваните е и една од најпрепознатливите личности на немирите, Џејкоб Чансли, самопрогласениот „Канон шаман“, кој беше ослободен од затвор во 2023 година, откако отслужи 27 месеци од неговата 41-месечна казна.
Тој за "BBC" изјави дека веста ја дознал од својот адвокат додека бил во теретана.
Тој додаде: „Излегов надвор и викнав „слобода“ на сиот глас, а потоа дадов добар индијански воен крик“.
