Со максимална моќност на полнење од 520 kW, батеријата се полни за само 12 минути!
Аеродинамичниот "Li Mega MPV" го привлече светското внимание кога производителот на автомобили "Li Auto" докажа дека автомобилот може да се полни исклучително брзо. Со максимална моќност на полнење од 520 kW, батеријата се полни за само 12 минути!
"Li Mega: првенствено беше развиен за кинескиот пазар, но кинескиот производител на електрични автомобили сега планира да се пробие на европскиот пазар.
Производителот на автомобили откри дека минатата недела отворил центар за дизајн и развој во Минхен. Германскиот тим ќе му овозможи на "Li Auto" увид во европскиот пазар и ќе учествува во развојот и тестирањето на технологијата што ги исполнува европските очекувања и регулативи.
„Формирањето на германскиот центар за истражување и развој го означува официјалниот почеток на стратегијата за глобализација на "Li Auto" и во исто време ја претставува посветеноста на компанијата за иновации, соработка и истражување на границите на технологијата“, рече извршниот директор на компанијата Ма Донгхуи.
Германскиот центар за истражување и развој ќе соработува со кинескиот тим за развој на технологии од следната генерација во области како што се дизајнот ориентиран кон иднината, интелигентната механичка основа и електричните погонски единици, велат од "Li Auto".
